ДНБ-ий өсөлтийн зорилтыг 5 хувь орчим байлгана

Мөн өдөр Хятадын засгийн газраас төрийн эрх барих дээд байгууллага болох Бүх Хятадын Ардын Төлөөлөгчдийн Их Хуралд хэлэлцүүлэхээр өргөн мэдүүлсэн 2025 оны Засгийн газрын ажлын тайлан дэлхий нийтийн анхаарлыг татав. Хамгийн их анхаарал татсан зүйл бол Хятад улс энэ оны ДНБ-ий өсөлтийн зорилтоо 5 орчим хувиар тогтоосон явдал юм. Энэ зорилт нь зах зээлийн хүлээлттэй нийцэж байгаа бөгөөд өнгөрсөн хоёр жилийнхтэй нийцэж байгаа нь Хятад улс дунд болон урт хугацааны хөгжлийн зорилтоо биелүүлэхийн зэрэгцээ ажил эрхлэлтийг тогтворжуулж, эрсдэлээс сэргийлж, ард түмний амьжиргааг дээшлүүлэхээр шийдэмгий байгааг харууллаа гэж гадаадын хэвлэлүүд мэдээлж байна.

5 хувь орчмын зорилтыг тоо төдийгүй агуулгын талаас үнэлэх ёстой. 2024 онд Хятадын ДНБ-ний 5 хувийн өсөлтийн хурд нь дэлхийн томоохон эдийн засгийн тэргүүн эгнээнд жагссан юм. Одоогийн ээдрээтэй ноцтой нөхцөл байдалд Хятад улс мөн 5 хувь орчмын өсөлтийн зорилт тавьсан нь Хятад улсын урагшлах зориг, эдийн засгийн нөөц, эрч хүчийг харуулсан бөгөөд дэлхийн эдийн засгийн сэргэлтийг итгэл хүчээр сэлбэсэн юм.

5 хувь орчмын үнэ цэнэ нь Хятад улс өндөр чанарын хөгжлийг дэмжсэн олон ажлуудаас харагдаж байна. Хятадын засгийн газрын байршуулсан энэ жилийн арван томоохон ажлын түрүүнд хэрэглээг ихээр сэргээж, хөрөнгө оруулалтын үр ашгийг дээшлүүлж, дотоодын эрэлт хэрэгцээг бүх талаар өргөтгөх явдал юм.

Энэ жилийн засгийн газрын ажлын тайланд хэрэглээг дайчлах тусгай үйл ажиллагаа өрнүүлэх, тухайлбал оршин суугчдын орлогыг нэмэгдүүлэх, чанартай бүтээгдэхүүнээр хангаж, хэрэглээний орчинг сайжруулахыг онцолжээ.

5 хувь орчим байхын нөгөө нэг баталгаа нь ухаалаг үйлдвэрлэлийн салбарт бий. Дэлхийн эдийн засгийн форумын ноднингийн аравдугаар сард гаргасан хамгийн сүүлийн үеийн цамхаг үйлдвэрүүдийн жагсаалтад үйлдвэрлэлийн 22 аж ахуйн нэгж нэгдсэнээс 60 хувь нь Хятад улсынх байлаа. Хятадын хиймэл оюун ухааны салбарын DeepSeek алдаршиж байгаа нь Хятад улсын  шинжлэх ухаан технологийн бүтээлч, багтаамжтай байдлыг харуулсан юм.

Хиймэл оюун ухааны салбарын хөгжил нь дэлхийн үйлдвэрлэлийн шинэчлэлийн шинэ төлөв байдлыг дахин бий болгох бөгөөд Хятад улсын шинжлэх ухаан технологийн бүтээмжийг дэлхий нийтэд хүртээл болгох юм.

Хятад улс нээлттэй хамтын ажиллагаагаар дэлхий нийтийн хөгжилд хүчээ нэмэрлэхийг баримталсаар ирлээ. Даяаршил саад тотгорт тулгарч буй одоогийн нөхцөл байдалд энэ нь маш эрхэм зүйл. Энэ жилийн Хятадын засгийн газрын ажлын тайланд ч илүү нээлттэй байлгах бодлогуудаа дурдаж, Хятад улсын үнэнч санаа, шийдвэр зоригийг дэлхий нийтэд харууллаа.