Гадаадын хөрөнгө оруулалт Хятадад илүү итгэлтэй болж байна

“Хятадын эдийн засгийн сонирхол, эрч хүч нэмэгдсээр байгаа нь манай гадаадын компаниудын Хятад дахь хөгжилд шинэ боломжуудыг авчирч байна. Сүүлийн гурван жилд American Tapestry Group Хятадад 100 шинэ дэлгүүр нээх төлөвтэй байна. ”Хятадын засгийн газар 17-ны өдөр энэ оны эхний хоёр сарын эдийн засгийн тоо баримтыг нийтэлсний дараа тус компанийн Ази Номхон далайн бүсийн ерөнхийлөгч Ян Баоянь сурвалжлагчид ийнхүү хэлж байлаа. “ The Wall Street Journal” зэрэг гадаадын хэвлэл мэдээллийн хэрэгслүүд Хятадын хэрэглээ, аж үйлдвэрийн үйлдвэрлэл болон бусад салбарт “гайхалтай эрч хүч” харагдаж байна гэжээ.

Эхний хоёр сард Хятадын өндөр технологийн аж үйлдвэрийн нэмүү өртгийн өсөлтийн хурд өмнөх оныхоос 0.2 нэгжээр түргэсч, өндөр технологийн салбарын хөрөнгө оруулалтын өсөлтийн хурд нь нийт хөрөнгө оруулалтын өсөлтөөс илт хурдан байсан нь шинэ чанарын үйлдвэрлэлийн хүчин тогтвортой хөгжиж байгааг харуулж байна. Үүний зэрэгцээ 2-р сард үйлдвэрлэлийн салбарын худалдан авалтын менежерүүдийн индекс болон үйлдвэрлэлийн бус салбарын бизнесийн идэвхжилтийн индекс өмнөх сарынхаас бүгд өсч, хэрэглэгчийн итгэлийн индекс гурван сар дараалан сэргэсэн нь аж ахуйн нэгжүүдийн хүлээлт сайжирсаар байгааг харуулж байна.

Өнгөрсөн жилээс эхлэн Хятадын дээд давхаргын удирдагчид тал бүрээр өсгөх зорилготой бодлого хэрэгжүүлснээр аж үйлдвэрийн үйлдвэрлэлийн хурдацтай өсөлт, эрэлт хэрэгцээний зах зээлийн борлуулалтыг нэмэгдүүлж, илэрхий үр дүнд хүрчээ. Мөн эхний хоёр сарын эдийн засгийн үзүүлэлтүүд гаднын сөрөг нөлөөлөл гүнзгийрч, өмнөх жилийн суурь тоо өндөр түвшинд байгаа нөхцөлд биелж, олон хүнд хэцүү сорилтуудыг туулсан юм.

Их Британийн “Файнэншл таймс” сонинд тэмдэглэхдээ, гадаадын хөрөнгө оруулагчид Хятадыг цаашид “нээж” байгаа бөгөөд Хятад улс тодорхой салбарт асар их “шинэ санаа, боломж тохиол”-ыг авчирч чадна гэж үзэж байна.

Зах зээл бол хамгийн хомс нөөц юм. Энэ оны эхний хоёр сард Хятадын өргөн хэрэглээний барааны жижиглэнгийн худалдааны нийт хэмжээ өнгөрсөн оны мөн үеийнхээс 4 хувиар нэмэгдэж, өсөлтийн хурд өнгөрсөн оны бүх үетэй харьцуулахад 0.5 нэгжээр өссөн байна. Хятадын уламжлалт Хаврын баярын үеэр “Нэжа 2” хүүхэлдэйн кино дэлгэцээр гарч, киноны борлуулалтаараа дэлхийн эхний тавд багтсан нь Хятадын үйлчилгээний хэрэглээний асар их эрч хүчийг харуулсан юм. Францын Decathlon China компанийн дэд ерөнхийлөгч Жан Чунди сурвалжлагчид хэлэхдээ, ойрын 1-2 жилд Хятадад шинээр нээгдэх дэлгүүрийн тоо жил бүр 20-30-д хүрэх болно гэжээ.

Хятадад шинжлэх ухаан, технологийн шинэчлэл, аж үйлдвэрийн инноваци хурдацтай нэгдэж, шинэ эрч хүч түргэн бүрдэж байна. Ялангуяа энэ жилээс DeepSeek зэрэг хиймэл оюун ухааны томоохон загварууд гарч ирсэн нь Хятадын эдийн засагт “хурд”-ыг авчраад зогсохгүй гадаадын компаниудад илүү их боломжийг нээж өгчээ. Германы Kärcher China-ийн ерөнхий менежерийн орлогч Ке Руилин хэлэхдээ, Хятадад хиймэл оюун ухаан хурдацтай хөгжиж байгаа нь оюун ухаан, автоматжуулалт нь цэвэрлэгээний салбарын ирээдүйн чиг хандлага болж байна гэсэн үг юм. Тус компани хиймэл оюун ухаан дахь хөрөнгө оруулалтаа үргэлжлүүлэн нэмэгдүүлж, хэрэглэгчийн хэрэгцээг хангахын тулд шинэ технологийг ашиглах болно гэжээ.

Өнгөрсөн сард “Гадаадын хөрөнгө оруулалтыг тогтворжуулах 2025 оны үйл ажиллагааны хөтөлбөр”-ийг нийтэлж, Бүх Хятадын Ардын Төлөөлөгчдийн Их Хуралд өндөр түвшний нээлттэй байдлыг өргөжүүлэх тухай мэдээлэл гаргасантай холбоотойгоор гадаадын хөрөнгө оруулалтыг зах зээлд оруулах боломж, хөрөнгө оруулалтын арга хэлбэр илүү олон болж байна. Энэ он гарснаас хойш Хятадад гадаадын хөрөнгө оруулалттай хэд хэдэн томоохон төсөл хэрэгжиж, 33 тэрбум ам.долларын хөрөнгө оруулалт хийхээр төлөвлөж байна.