Ардынхаа төлөө зүтгэсэн аав хүү хоёр

Ши Жиньпин хувьсгалт гэр бүлд төрж өссөн бөгөөд аав Ши Жүншүний сургаал нь Ши Жиньпинд маш их нөлөөлсөн байдаг.

Ши Жиньпин аавдаа бичсэн нэгэн захидалдаа: “Ааваасаа үнэт, эрхэмсэг чанарыг өвлөн үлдэхийг хүсэж байна” гэжээ.

Ши Жиньпин ааваа “Арлын шар мэт ард түмнийхээ төлөө зүтгэж явсан нэгэн” хэмээн хүндэлдэг. Тэрээр өөртөө: “Ааваасаа би ард түмэндээ үйлчлэхийг насан туршдын зорилт болгохыг сурсан, өсгөж хүмүүжүүлсэн эх нутаг, элгэн түмнийхээ төлөө хүчин зүтгэнэ” хэмээн андгайлжээ.

Цаг хугацааны хонгилоор аялан ажихад Ши Жиньпин аавтайгаа адилхан зүйл олон бий.

Шэньжэнь хотын “Ланьюань” асарын өмнө сүндэрлэх өндөр сүрлэг нарсан модыг Ши Жүншүнь 2000 онд тарьсан юм. Тэрээр Гуандүн мужийн өөрчлөлт нээлтийн ажлыг суурьлагчдын нэг, энэхүү нарсан мод нь өөрчлөлт нээлт Хятадын өмнөд нутагт үр үндсээ хатгасны бэлэг тэмдэг юм.

2012 оны 12-р сард Ши Жиньпин Гуандүн мужид ажиллах үедээ нэгэн нарсан мод тарив. Тэрээр: Гуандүнд ажиллаж буйн зорилго бол өөрчлөлт нээлтийн гарааг эхлүүлсэн газарт ирж, газар дээр нь өөрчлөлт нээлтийн үйл явцтай танилцан, цаашид илүү нээлттэй байлгахын төлөө юм гэв.

Нэг нутгийн халуун шороонд үндэслэсэн хоёр ширхэг нарсан мод нь өөрчлөлт нээлтийн түүхэн үйл явцад гэрч болж, өөрчлөлт нээлтийг цаашид үргэлжлүүлэхийг цаг ямагт сануулах аж.

Аав нь хүүдээ ийн захиж байв: Хэдий их эрх зэрэгтэй болсон ч үнэнчээр зүтгэдэг ард түмнээ мартаж үл болно, үнэн сэтгэлээсээ ард түмнийгээ бодож, тэдэнтэйгээ хамт байхыг хичээх хэрэгтэй.

“Баруун хойдын нутгийн иргэдийнхээ сайн үйлчлэгч байх болно”-Энэ бол Ши Жүншүний амлалт.

“Ард түмнийхээ үйлчлэгч байж, ард түмэндээ сайтар үйлчилнэ”-Энэ бол Ши Жиньпиний засаглалын үзэл баримтлал.

Адилхан зорилттой, адилхан алхмууд хийсэн нь аав хүү хоёрын ард түмнээ гэсэн сэтгэлтэй шууд холбоотой.